జ్ఞానవాపి మసీదులో ఏఎస్ఐ సర్వేపై సుప్రీం స్టే

జ్ఞానవాపి మసీదులో శాస్త్రీయంగా సర్వే చేయాలని భారత పురావస్తు విభాగాన్ని వారణాసికి చెందిన కోర్టు శుక్రవారం (జులై 21) ఆదేశించింది. ఈ సర్వే నుంచి మసీదు ప్రాంగణంలో ఉన్న శివలింగం (వజుఖానా)ను మినహాయించింది. గతంలో హిందూ ఆలయం ఉన్న ప్రాంతంలో మొఘలుల కాలంలో జ్ఞానవాపి మసీదును నిర్మించారని, దానిపై ఏఎస్ఐ తో కార్బన్ డేటింగ్ చేయించి నిజనిజాలు తేల్చాలని కోరుతూ.. హిందూ కక్షిదారులు చేసిన విజ్ఞప్తి మేరకు వారణాసి కోర్టు ఈ ఆదేశాలు జారీ చేసింది. అయితే ఈ ఆదేశాలు తమకు ఆమోదయోగ్యంగా లేవంటూ.. మసీదు మేనేజ్ మెంట్ కమిటీ తరపు న్యాయవాది మహమ్మద్ తాహిద్ ఖాన్ తెలుపడంతో.. సుప్రీంకోర్టు ఏఎస్ఐ సర్వేపై స్టే విధించింది.