పసిడి ప్రియులకు ప్రియమైన వార్త

బంగారం ధరలు మున్ముందు మరింత పెరిగే అవకాశముంది. పెళ్లిళ్ల సీజన్ దగ్గరపడుతుండటంతో ధరలు పెరుగుతాయని మార్కెట్ నిపుణులు అంచనా వేస్తున్నారు. డిసెంబరు నెలలో పెళ్లి ముహూర్తాలు ఉన్నాయి. అందుకే బంగారం ధరలు పెరుగుతాయన్న అంచనా వినిపిస్తుంది. భారత్ లో వివాహ వేడుకల్లో బంగారం వినియోగం ఎక్కువగా ఉంటుంది. సంస్కృతి సంప్రదాయాలకు అనుగుణంగా అధిక మొత్తంలోనే బంగారాన్ని కొనుగోలు చేసే అలవాటు భారతీయులకు ఎక్కువ. అయితే బంగారం ధరలతో సంబంధం లేకుండా కొనుగోళ్లు జరుగుతుండటం ఇటీవల కాలంలో చూస్తున్నామని దుకాణదారులు చెబుతున్నారు. కేంద్ర బ్యాంకుల వద్ద నిల్వలు, ద్రవ్యోల్బణం, అంతర్జాతీయ మార్కెట్ లో ఒడిదుడుకులు, డాలర్ తో రూపాయి తగ్గుదల వంటి కారణాలతో బంగారం ధరల్లో మార్పులు, చేర్పులు చోటు చేసుకుంటాయని నిపుణులు చెబుతున్నారు.