భారీగానే తగ్గాయ్

బంగారం ధరలు పైపైకి పోతున్నాయి. సామాన్యులకు అందనంత దూరంలో బంగారం ధరలు ఇప్పటికే చేరిపోయాయి. ధరల పెరుగుదలకు అడ్డుకట్ట వేయకుంటే కొనుగోళ్లు కూడా తగ్గిపోయే అవకాశముంది. భారత్ లో బంగారు ఆభరణాలను కొనుగోలు చేసే వారు ఎక్కువ. గోల్డ్ బాండ్స్ కు పెద్దగా డిమాండ్ ఉండదు. అందుకే బంగారానికి భారత్ లో ఎప్పుడూ డిమాండ్ ఉంటూనే ఉంటుంది. కేంద్ర బ్యాంకుల వద్ద బంగారం నిల్వలు, అంతర్జాతీయ మార్కెట్ ధరల ఒడిదుడుకులు, ద్రవ్యోల్బణం, డాలర్ తో రూపాయి తగ్గుదల వంటి కారణాలతో బంగారం ధరలు నిత్యం పెరుగుతూనే ఉంటాయి. భారతీయ సంస్కృతిలో ఒక భాగమై పోయిన బంగారానికి డింాండ్ పడిపోదన్న కారణంతో బంగారం ధరలు ఎప్పటికప్పుడు పెరుగుతూనే ఉంటాయి. ఇప్పటి వరకూ సీజన్ తో సంబంధం లేకుండా బంగారం కొనుగోలు చేస్తుండటంతో దాని డిమాండ్ తగ్గలేదు. ఇక అవసరమైతే తప్ప బంగారం కొనుగోలు చేయలేని పరిస్థితి. కేవలం పెట్టుబడి కోసం కొనుగోలు చేసే వారు మినహా బంగారం వైపు ఎవరూ చూడరన్న కామెంట్స్ వినపడుతున్నాయి.