ఊరట కాక మరేమిటి?

బంగారం ధరలు పెరుగుతూనే ఉంటాయి. తగ్గితేనే ఆనందం. పెరిగితే బాధ. పెరగుకున్నా, తగ్గకున్నా స్థిరంగా కొనసాగినా సంతోషమే. అయితే వారంలో కేవలం ఒక్క రోజు మాత్రమే ఇలాంటి పరిస్థితి వస్తుంది. ఎక్కువ సార్లు బంగారం ధరులు పెరుగుతూనే ఉంటాయి. బంగారం ధరలు అసలు పెరగడానికి కారణాలేంటన్న దానిపై ఒక్కో నిపుణులు ఒక్కోరకమైన విశ్లేషణ ఇస్తారు. కేంద్ర బ్యాంకుల వద్ద బంగారం నిల్వలు, అంతర్జాతీయ మార్కెట్‌లో ధరల ఒడిదుడుకులు, ద్రవ్యోల్బణం, డాలర్‌తో రూపాయి తగ్గుదల, కేంద్ర బడ్జెట్‌లో బంగారంపై కస్టమ్స్ డ్యూటీ పెంచడం వంటి కారణాలతో పసిడి ధరలు పెరుగుతున్నాయని మార్కెట్ నిపుణులు చెబుతున్నారు. నిపుణుల అంచనా ప్రకారం పది గ్రాముల బంగారం ధర మరికొద్ది కాలంలోనే డెబ్భయివేల రూపాయలకు చేరుకుంటుందని అంచనాలు వినపడుతున్నాయి.