వైష్ణో దేవాలయంలో తొక్కిసలాట... 12 మంది మృతి

జమ్మూ కాశ్మీర్ లోని మాతా వైష్ణో దేవాలయంలో విషాదం చోటు చేసుకుంది. తొక్కిసలాటలో 12 మంది భక్తులు మృతి చెందారు. నూతన సంవత్సరం కావడంతో ఎక్కువ మంది భక్తులు వైష్ణో దేవాలయానికి వచ్చి అమ్మవారిని దర్శించుకునేందుకు క్యూ కట్టారు. అయితే ఈ సందర్భంగా తొక్కిసలాట జరగడంతో 12 మంది భక్తులు మృతి చెందారు. మృతుల వివరాలు ఇంకా తెలియరాలేదు.

తొక్కిసలాటలో అనేక మంది గాయపడ్డారు. వీరిని వెంటనే పోలీసులు ఆసుపత్రికి తరలించారు. సహాయక చర్యలను చేపట్టారు. మృతుల సంఖ్య పెరిగే అవకాశముందంటున్నారు. నూతన సంవత్సరం తొలి రోజే విషాద ఘటన చోటు చేసుకోవడం విచారకరం. దీనిపై ప్రభుత్వం దర్యాప్తునకు ఆదేశించింది. అయితే మృతులు పంజాబ్, హర్యానా, ఢిల్లీ, జమ్మూ కాశ్మీర్ వాసులుగా గుర్తించారని చెబుతున్నారు.