24 గంటలూ ఎంచక్కా షాపింగ్ చేసుకోవచ్చు.. షాపులన్నీ తెరిచే ఉంచేలా ఉత్తర్వులు

తాజాగా చండీగఢ్ ప్రభుత్వం కూడా ఈ మేరకు ఉత్తర్వులు జారీ చేసింది. అయితే షరతులు వర్తిస్తాయని తెలిపింది. కానీ వైన్ షాపులు, బార్లు మాత్రం ఎక్సైజ్ నిబంధనల మేరకు తెరిచి ఉంచాలని ప్రభుత్వం ఆ ఉత్తర్వుల్లో పేర్కొంది. మిగిలిన దుకాణాలు 24 గంటలూ తెరిచి ఉంచవచ్చని, అయితే అందుకు ప్రభుత్వానికి కొంత మొత్తాన్ని అదనంగా చెల్లించాల్సి ఉంటుందని తెలిపింది. అదనపు మొత్తం చెల్లించి అనుమతి పొందితే చండీగఢ్ లో ఇరవై నాలుగు గంటలూ దుకాణాలు తెరిచి ఉంచేందుకు వీలవుతుంది. ఇది ప్రజలకు కూడా ఉపయోగకరంగా ఉంటుందని అంచనా వేస్తున్నారు. దీనికి మంచి స్పందన వస్తున్నట్లు అధికార వర్గాలు చెబుతున్నాయి.