రేపు హైదరాబాద్ లో 34 ఎంఎంటీఎస్ రైళ్లు రద్దు.. వివరాలివిగో !

రేపు హైదరాబాద్ లో 34 ఎంఎంటీఎస్ సర్వీసులను రద్దు చేస్తున్నట్లు దక్షిణమధ్య రైల్వే అధికారులు ప్రకటించారు. పలు లైన్లలో మరమ్మతులున్న నేపథ్యంలో ఎంఎంటీఎస్ రైళ్లను రద్దుచేస్తున్నట్లు అధికారులు పేర్కొన్నారు. లింగంపల్లి-హైదరాబాద్ మధ్యలో 9 సర్వీసులు, హైదరాబాద్ - లింగంపల్లి మధ్య 9 సర్వీసులను రద్దుచేసినట్లు తెలిపారు. అలాగే ఫలక్ నుమా-లింగంపల్లి మధ్య ఏడు సర్వీసులు, లింగంపల్లి-ఫలక్ నుమా మధ్య ఏడు సర్వీసులను రద్దుచేశారు. సికింద్రాబాద్ – లింగంప‌ల్లి మ‌ధ్య న‌డిచే 47150 రైలు, లింగంప‌ల్లి – సికింద్రాబాద్ మ‌ధ్య న‌డిచే 47192 రైలును కూడా రద్దు చేసినట్లు దక్షిణమధ్య రైల్వే అధికారులు వెల్లడించారు.