Telangana : కేటీఆర్‌పై కేసు నమోదుకు సిద్ధం.. గవర్నర్‌‌ను అనుమతి కోరిన ఏసీబీ

పార్ములా ఇ రేసు గత ఫిబ్రవరిలో జరగాల్సి ఉంది. కానీ చివరి నిమిషంలో అది రద్దయింది. ఎలాంటి అనుమతులు లేకుండా నిధులు ఫార్ములా రేసుకు చెల్లించిన 55కోట్ల రూపాయల నిధులను వెచ్చించడంపై దర్యాప్తు ప్రారంభమయింది.. ముఖ్యమంత్రి రేవంత్ రెడ్డి సయితం ఈ అంశం రాజకీయాలకు సంబంధించిన అంశం కాదని, ఏసీబీ దర్యాప్తు కేవలం అవినీతి ఆరోపణలపై చేస్తుందని, రాజకీయ కక్ష సాధింపు చర్యలు కాదని గతంలోనే తెలిపారు.ఒక మంత్రి గాని, అధికారి కానీ అంత పెద్ద మొత్తాన్ని ఎలా బదిలీ చేయగలరు? ఎవరు లాభపడాలి? అన్న దానిపై ఏసీబీ దర్యాప్తు ప్రారంభించింది.

అయితే కేటీఆర్ కూడా ఈ ఫార్ములా రేసుకు సంబంధించి నిధులు విడుదల తనవల్లనే జరిగిందని అంగీకరించారు. తాను తప్పు చేయలేదని, బెదిరేది లేదని, అవసరమైతే తాను జైలుకు వెళ్లేందుకు సిద్ధంగా ఉన్ానని, కేవలం బీజేపీ, కాంగ్రెస్ తనను లక్ష్యంగా చేసుకున్నాయని ఆయన మీడియా సమావేశంలో పేర్కొన్న సంగతి తెలిసిందే. ఫార్ములా ఇ రేసింగ్ పై ఏ విచారణకైనా సిద్ధమని కేటీఆర్ పేర్కొన్నారు. అక్రమ కేసులకు భయపడనని, జైలుకెళ్లడానికైనా భయపడనని కేటీార్ తెలిపారు. పాదయాత్ర చేసి ప్రభుత్వాన్ని నిలదీస్తానని తెలిపారు. ఫార్ములా రేసింగ్ హైదరబాద్ బ్రాండ్ ఇమేజ్ ను పెంచడం కోసమేనని ఆయన తెలిపారు. పెట్టుబడుల కోసమే55 కోట్ల రూపాయలు ఖర్చు చేశామని, మున్సిపల్ శాఖ మంత్రిగా నాడు ఆ బాధ్యత తనదేనని కేటీఆర్ అంగీకరించడంతో ఏసీబీ అధికారులు కేసు నమోదుకు సిద్ధమయినట్లు తెలిసింది. ఈ మేరకు గవర్నర్ అనుమతిని ఏసీబీ కోరిందని సమాచారం.