ఉచితంగా సినిమా చూసేయొచ్చు

భారత స్వతంత్ర వజ్రోత్సవాల వేడుకలను ముగింపు కార్యక్రమాలను ఘనంగా నిర్వహిస్తున్నారు. స్వాతంత్రం గురించి పిల్లలకు తెలియజేసేలా కార్యక్రమాలు చేపట్టాలని కేంద్ర, రాష్ట్ర ప్రభుత్వాలు పలు సూచనలు చేశాయి. ఇందులో భాగంగా పలు జిల్లాలోని అన్ని పాఠశాలల విద్యార్థులకు ఉచితంగా గాంధీజీకి సంబంధించిన చలనచిత్రాలను చూపించనున్నారు. నాగర్ కర్నూల్ జిల్లాలో కూడా పిల్లలకు ఉచితంగా సినిమాలను ప్రదర్శించనున్నారు. అందుకు సంబంధించి కలెక్టర్ ఉదయ్ కుమార్ కీలక ఆదేశాలు జారీ చేశారు. నాగర్ కర్నూల్ జిల్లాలో 5 సినిమా థియేటర్లను ఎంపిక చేశారు. ఆగస్ట్ 14 నుంచి ఈనెల 24 వరకు అన్ని పాఠశాలల విద్యార్థులకు ఉచితంగా గాంధీజీకి సంబంధించిన చలన చిత్రాలు చూపించనున్నారు. 2022లో వజ్రోత్సవాల ప్రారంభ సమయంలో సైతం విద్యార్ధులలో జాతీయ స్పూర్తిని పెంపొందించే విధంగా గాంధీ చిత్రాన్ని రాష్ట్ర ప్రభుత్వం ఆదేశాల మేరకు ఉచితంగా ప్రదర్శించారు.