గవర్నర్ పై ఘాటు వ్యాఖ్యలు

తెలంగాణ గవర్నర్ తమిళి సై సౌందర్ రాజన్ ఎమ్మెల్సీల విష‍యంలో తీసుకున్న నిర్ణయంపై మంత్రి కేటీఆర్ స్పందించారు. ఘాటు వ్యాఖ్యలు చేశారు. ఢిల్లీ అజెండాతోనే తెలంగాణ గవర్నర్ పనిచేస్తున్నారన్నారు. తమిళి సై సౌందర్ రాజన్ తెలంగాణ గవర్నర్ గా నియమితులయ్యే ముందు రోజు కూడా బీజేపీ అధ్యక్షురాలిగా పనిచేశారని మంత్రి కేటీఆర్ గుర్తు చేశారు. మంత్రి మండలి తీసుకున్న నిర్ణయాన్ని ఎలా అభ్యంతరం చెబుతారన్నారు. గవర్నర్ కోటాలో ఇద్దరు ఎమ్మెల్సీల ఫైలును గవర్నర్ తిరస్కరించిన సంగతి తెలిసిందే.