Revanth Reddy : బీఆర్ఎస్ పై రేవంత్ రెడ్డి ఫైర్

తెలంగాణ ముఖ్యమంత్రి రేవంత్ రెడ్డి బీఆర్ఎస్ పై మరోసారి ఫైర్ అయ్యారు. కొట్లాడి తెచ్చుకున్న తెలంగాణను కోరి రెండుసార్లు కోరి కొరివి దయ్యాన్ని తెచ్చుకున్నామని తెలిపారు. పదేళ్ల నుంచి నిరుద్యోగులను బీఆర్ఎస్ మోసం చేసిందని రేవంత్ రెడ్డి అన్నారు. నిరుద్యోగుల సమస్యలను బీఆర్ఎస్ పట్టించుకోలేదని తెలిపారు. తాము వచ్చిన తర్వాత వరసగా ఉద్యోగాల నోటిఫికేషన్లు ఇస్తున్నామని తెలిపారు. తన ఇంట్లో కుటుంబ సభ్యులు ఎన్నికల్లో ఓటమి పాలయితే వారికి వెంటనే ఉద్యోగాలిచ్చిన కేసీఆర్ పిల్లలకు మాత్రం ఉద్యోగాలు ఇవ్వకుండా నియంతలాగా వ్యవహరించారని రేవంత్ రెడ్డి ఆరోపించారు. ఉద్యోగాలు రావాలంటే కేటీఆర్, కేసీఆర్, హరీశ్‌రావులను ఓడగొట్టాలని ఆయన పిలుపునిచ్చారు.