తెలంగాణ విద్యార్థులకు గుడ్ న్యూస్.. 77 రోజులు సెలవులు
ఈ మేరకు 2023-24 అకడమిక్ ఇయర్ క్యాలెండర్ ను విడుదల చేసింది. ఈ విద్యాసంవత్సరంలో 365 రోజులకు గాను 227 రోజుల పాటు..
holidays for 2023-24 academic year
తెలంగాణ ఇంటర్మీడియట్ బోర్డ్ కీలక ప్రకటన చేసింది. 2023-24 అకడమిక్ ఇయర్ లో విద్యార్థులకు 77 రోజులు సెలవులు ఇవ్వనున్నట్లు తెలిపింది. ఈ మేరకు 2023-24 అకడమిక్ ఇయర్ క్యాలెండర్ ను విడుదల చేసింది. ఈ విద్యాసంవత్సరంలో 365 రోజులకు గాను 227 రోజుల పాటు తరగతులు జరుగుతాయని వివరించింది. జూన్ 1వ తేదీ నుంచి నూతన తరగతులు ప్రారంభమవుతాయని వెల్లడించింది.
పండుగలు, ఆదివారాలు, వేసవి సెలవులు ఇలా మొత్తం కలిపి 77 రోజులపాటు విద్యార్థులకు సెలవులివ్వనున్నట్లు వివరించింది. ఈ సెలవుల్లో అక్టోబర్19 నుంచి 25వ తేదీ వరకు దసరా సెలవులు, జనవరి 13 నుంచి 16 వరకు సంక్రాంతి సెలవులు ఉంటాయి. ఇక ఫిబ్రవరి 2వ వారంలో ప్రాక్టికల్స్, మార్చి మొదటి వారంలో వార్షిక పరీక్షలు ఉంటాయని ఇంటర్ బోర్డ్ పేర్కొంది.