జగన్ రాకే అనుమానంగా ఉంది

విశాఖలో జగన్ వ్యవహరించిన తీరు పలు అనుమానాలను కల్గిస్తుందని టీడీపీ నేత అచ్చెన్నాయుడు అన్నారు. విశాఖ గ్యాస్ లీక్ సంఘటన బాధాకరమే అయినప్పటికీ అదే రోజు జగన్ రావడం సంతోషకరమన్నారు. కానీ అదే సమయంలో విశాఖ వచ్చిన వెంటనే ఎయిర్ పోర్టులో ఎల్జీ ప్రతినిధులతో జగన్ ఎందుకు సమావేశమయ్యారో చెప్పాలని అచ్చెన్నాయుడు నిలదీశారు. కంపెనీ యాజమాన్యంపై ఉన్న ప్రేమ జగన్ కు ప్రజల మీద లేదన్నారు. పరిహారం భారీగానే ప్రకటించారని, కానీ దీర్ఘకాల సమస్యలు వస్తే వారికి ఎవరు బాధ్యత వహిస్తారని అచ్చెన్నాయుడు ప్రశ్నించారు. ఇప్పటి వరకూ యాజమాన్యాన్ని ఎందుకు అరెస్ట్ చేయలేదన్నారు. వారిపై చిన్న కేసులు పెట్టడంలో ఆంతర్యమేమిటని అచ్చెన్నాయుడు ప్రశ్నించారు. ప్రమాదంపై నిపుణులతోనే కమిటీ వేయాలన్నారు.