Team India : టీం ఇండియా క్రికెటర్లపై లైంగిక ఆరోపణలు

టీం ఇండియా క్రికెటర్లపై లైంగిక దాడుల ఆరోపణలు వెల్లువెత్తుతున్నాయి. క్రికెటర్లు హర్థిక్ పాండ్యా, మునాఫ్ పటేల్ తో పాటు మాజీ బీసీసీఐ చీఫ్ రాజీవ్ శుక్లా లపై ఈ ఆరోపణలు వచ్చాయి. ఒక మహిళ ముంబయి పోలీసులకు ఫిర్యాదు చేయడంతో ఈ విషయాలు వెలుగులోకి వచ్చాయి. కానీ ముంబయి పోలీసులు తాను ఫిర్యాదు చేసినా పట్టించుకోవడం లేదని ఆ మహిళ ఆరోపిస్తున్నారు.

ఆమె ఫిర్యాదు చేసినా..?

దావూద్ ఇబ్రహీం అనుచరుడు రియాజ్ భాటీ భార్య రెహ్నుమా ఈ ఫిర్యాదు చేశారు. తన భర్తే తనను వారి వద్దకు పంపారని ఫిర్యాదులో పేర్కొన్నారు. ముంబైలోని ట్రైడెంట్ హోటల్ లో తనపై లైంగిక దాడి జరిగిందని, సీసీ టీవీ ఫుటేజీలను పరిశీలించుకోవచ్చని ఆమె ఫిర్యాదులో పేర్కొన్నారు. మొత్తం మీద టీం ఇండియా క్రికెటర్లపై వచ్చిన ఈ ఆరోపణలు సంచలనం కల్గిస్తున్నాయి.