ఇక దుకాణం సర్దేసుకో బాబూ

తెలుగుదేశం పార్టీ అధినేత చంద్రబాబుపై వైసీపీ ఎమ్మెల్యే అంబటి రాంబాబు తీవ్రస్థాయిలో ధ్వజమెత్తారు. కుప్పంలో టీడీపీ కుప్పకూలిపోయిందన్నారు. చంద్రగిరిలో బాబును శంకరిగి మాన్యాలు పట్టించారని అంబటి రాంబాబు ఎద్దేవా చేశారు. ఎన్నికలు బహిష్కరించామని చెబుతున్నారు కానీ, పంచాయతీ, మున్సిపల్ ఎన్నికల సంగతేంటని అంబటి రాంబాబు ప్రశ్నించారు. పంచాయతీ నుంచి పరిషత్ వరకూ ఒకే రకమైన ఫలితాలు వైసీపీ సాధించిందన్నారు. స్థానిక ఎన్నికలను అడ్డుకునేందుకు చంద్రబాబు అడుగడుగునా అనేక కుట్రలు చేశారని అంబటి రాంబాబు అన్నారు. ఇక తెలుగుదేశం పార్టీని మూసివేయాల్సిందేనని అంబటి రాంబాబు అన్నారు.