రెండు రాష్ట్రాలూ డీపీఆర్ లు ఇవ్వాల్సిందే

రెండు తెలుగు రాష్ట్రాలు తమ ప్రాంతాల్లో చేపడుతున్న కొత్త ప్రాజెక్టులపై డీటెయిల్ ప్రాజెక్టు రిపోర్టులు ఇవ్వాలని కేంద్ర మరోసారి ఆదేశించింది. కృష్ణా, గోదావరి నదులపై చేపడుతున్న కొత్త ప్రాజెక్టులకు సంబంధించి డీపీఆర్ లను పంపాలని కోరింది. ఈ మేరకు అపెక్స్ కౌన్సిల్ సమావేశంలో నిర్ణయించినట్లు కేంద్ర ప్రభుత్వం తెలిపింది. డీపీఆర్ లు ఇవ్వకుండా, అనుమతులు తీసుకోకుండా కొత్త ప్రాజెక్టుల నిర్మాణం సాధ్యం కాదని పేర్కొంది. ఈ విషయాన్ని లోక్ సభలో జలశక్తి శాఖ సహాయ మంత్రి రతన్ లాల్ కటారియా ఒక ప్రశ్నకు సమాధానంగా తెలిపారు.