Tirumala : తిరుమలలో నేడు తగ్గిన భక్తుల రద్దీ.. దర్శనానికి?

తిరుమలలో నేడు భక్తుల సంఖ్య తక్కువగానే ఉంది. సోమవారం కావడంతో తిరుమలకు పెద్దగా భక్తులు రాలేదు. దీంతో కంపార్ట్ మెంట్లన్నీ ఖాళీగానే దర్శనమిస్తున్నాయి. సోమవారం వర్కింగ్ డే కావడంతో ఎవరూ తిరుమలకు చేరుకోరన్నది ఎప్పటి నుంచో జరుగుతుంది. అయితే గత వారం మాత్రం సోమవారం తిరుమలలో అధిక రద్దీ ఏర్పడింది. దర్శనానికి గంటల సమయం పట్టింది. అయితే ఈరోజు మాత్రం స్వామి వారి దర్శనం సులువుగానే అవుతుండటంతో భక్తులు ఆనందం వ్యక్తం చేస్తున్నారు. పెద్దగా క్యూ లైన్ లలో వేచి ఉండకుండానే శ్రీవారిని దర్శించుకుంటున్నారు. వచ్చిన వారు కూడా ఎక్కువ మంది ఇతర రాష్ట్రాల ప్రజలతో పాటు ముందుగా దర్శనం టిక్కెట్లను బుక్ చేసుకున్న వారు మాత్రమే తిరుమలకు సోమవారం వస్తున్నారు. మరికొంత మంది ఆదివారం తిరుమలకు వచ్చి రాత్రి బస చేసి సోమవారం కూడా శ్రీవారిని దర్శించుకునే వారు కూడా అధికంగా ఉన్నారని తిరుమల తిరుపతి దేవస్థాన అధికారులు తెలిపారు. ఈ నెలలో సాధారణంగా తిరుమలలో భక్తుల రద్దీ ఎక్కువగా ఉంటుంది. జనవరి 1వ తేదీ నుంచి రద్దీ మరింత పెరుగుతుందని అధికారులు చెబుతున్నారు. కొత్త ఏడాదిలో స్వామివారిని దర్శించుకుందామని వచ్చే వారి సంఖ్య ఎక్కువగా ఉంటుందని అంటున్నారు.

ఇప్పుడు Desh Telugu Keyboard యాప్ సహాయంతో మీ ప్రియమైన వారికి తెలుగులో సులభంగా మెసేజ్ చెయ్యండి. Desh Telugu Keyboard and Download The App Now