Chandrababu : ఆర్ అండ్ బి గెస్ట్ హౌస్ లోనే బాబు

తెలుగుదేశం పార్టీ అధినేత చంద్రబాబు నేడు కూడా కుప్పంలో పర్యటించనున్నారు. ఈరోజు కుప్పం గ్రామీణ ప్రాంతాల్లో చంద్రబాబు పర్యటిస్తారు. నిన్న రాత్రి ఆర్ అండ్ బి అతిధి గృహంలో చంద్రబాబు బస చేశారు. చంద్రబాబును కలుసుకునేందుకు ఉదయం నుంచే ఆర్ అండ్ బి గెస్ట్ హౌస్ వద్దకు ప్రజలు, పార్టీ కార్యకర్తలు వచ్చారు. వారితో సమావేశం అయిన అనంతరం చంద్రబాబు కుప్పం నియోజకవర్గం పర్యటనకు బయలుదేరుతారు.

కార్యకర్తలు రాత్రంతా…..

చాలా రోజుల తర్వాత కుప్పం నియోజకవర్గానికి రావడంతో చంద్రబాబుకు పార్టీ శ్రేణులు ఘనస్వాగతం పలికాయి. రాత్రి పొద్దు పోయే వరకూ ఆర్ అండ్ బి గెస్ట్ హౌస్ వద్దనే కార్యకర్తలు ఉన్నారు. విద్యుతు సరఫరాకు అంతరాయం ఏర్పడితే వెంటనే పునరుద్ధరించడానికి తెలుగుదేశం పార్టీ నేతలు తగిన ఏర్పాట్లు కూడా చేసుకున్నారు.