ఎంతగా అణగదొక్కితే అంతపైకి లేస్తాం…!!

తమను ఎంతగా అణగదొక్కాలని ప్రయత్నిస్తే తాము అంతగా ఎదుగుతామని తెలుగుదేశం పార్టీ అధినేత చంద్రబాబునాయుడు అన్నారు. ముఖ్యనేతలతో సమావేశమైన చంద్రబాబునాయుడు రాష్ట్రంలో తెలుగుదేశం పార్టీ కార్యకర్తలపై జరుగుతున్న దాడులపై చర్చించారు. తాను ఐదేళ్ల పాటు రాష్ట్ర అభివృద్ధిపై దృష్టి పెట్టడంతో పార్టీని, కార్యకర్తలను పట్టించుకోలేదని చంద్రబాబునాయుడు అంగీకరించారు. ఓటమితో కుంగిపోవాల్సిన అవసరం లేదని, ప్రజాసమస్యలపై పోరాడుతూ ప్రజల్లోనే ఉండాలని నేతలకు పిలుపునిచ్చారు. వైసీపీ నేతలు కార్యకర్తలపై దాడులు చేయడమే కాకుండా ఆస్తులను కూడా ధ్వంసం చేస్తున్నారన్నారు. సీఎం, అధికారులు దీనిపై స్పందించాలన్నారు.