నైట్ షిఫ్ట్ చేస్తున్నారా ? అయితే ఈ విషయాలు తెలుసుకోండి

తరచూ షిఫ్టులు మారుతూ ఉండటం వల్ల ఆల్జీమర్స్, డిమెన్షియా సమస్యల బారిన పడతారని.. మరణాల రేటు పెరగడానికి వీటికి మధ్య సంబంధం ఉన్నట్లు పరిశోధకులు చేసిన అధ్యయనంలో గుర్తించారు. అలాగే.. " నైట్ షిప్ట్ కారణంగా ఎక్కువ ఆహారాన్ని తీసుకుంటే అది అధిక సీరమ్ టోటల్ కొలెస్టరాల్, ఎల్ డీఎల్ పెరిగేందుకు దారితీస్తుంది. నైట్ షిప్ట్ పనుల వల్ల సర్కాడియన్ క్లాక్ లో మార్పులతో సీ రియాక్టివ్ ప్రొటీన్ (రక్తనాళాల్లో వాపు), బ్లడ్ ప్రెజర్ పెరిగిపోతాయి. దీంతో గుండె జబ్బులు, మధుమేహం రిస్క్ ఏర్పడతాయి " అని డాక్టర్ గ్రెగర్ తెలిపారు.

నైట్ షిఫ్టుల్లో పనిచేసేవారు వీలైనంత తక్కువ ఆహారం తీసుకోవాలని ఆయన అభిప్రాయపడ్డారు. రాత్రి డ్యూటీ చేసి.. ఉదయాన్నే ఇంటికి వచ్చాక ఫ్యాటీ ఆహార పదార్థాలు ఎక్కువగా తీసుకోకుండా.. ఆరోగ్యకరమైన వాటిని తీసుకుంటే మంచిది. రాత్రి పూట ఆహారం తీసుకోకపోయినా ఫర్వాలేదు కానీ.. ఉదయం బ్రేక్ ఫాస్ట్ మాత్రం మానరాదని వైద్యులు సూచిస్తున్నారు. నిజానికి ఉదయం బ్రేక్ ఫాస్ట్ తీసుకునేవారిలో గుండె జబ్బులు చాలా తక్కువగా ఉన్నట్లు చెప్తున్నారు.