ఏపీలో అక్కడ స్వచ్ఛందంగా లాక్ డౌన్

ఆంధ్రప్రదేశ్ లో కరోనా వ్యాప్తి తీవ్రంగా ఉంది. రోజుకు ఐదు వేల కేసులకు పైగా నమోదవుతున్నాయి. విజయనగరం జిల్లా బొబ్బిలి పట్టణంలో వ్యాపారులు స్వచ్ఛందంగా లాక్ డౌన్ ను పాటిస్తున్నారు. బొబ్బిలి పట్టణంలోని కిరాణా, సిల్వర్, స్టీల్, కూరగాయల వ్యాపారులు లాక్ డౌన్ ప్రకటించారు. దుకాణాలను ఉదయం 7 గంటల నుంచి మధ్యాహ్నం 2 గంటల వరకూ దుకాణాలు తెరవాలని నిర్ణయించారు. మాస్కులు ధరించి భౌతిక దూరం పాటిస్తూ నిత్యావసర వస్తువులను కొనుగోలు చేయాలని వారు సూచించారు.