వైరస్ పెరుగుతోంది.. అక్కడ మాత్రం లాక్ డౌన్ మినహాయింపులు

ఇండియాలో కరోనా వైరస్ వ్యాప్తి రోజురోజుకూ పెరుగుతోంది. ఇప్పటికి భారత్ లో 8457 కరోనా పాజిటివ్ కేసులు నమోదయ్యాయి. ఒక్క రోజులోనే 909 కేసులు నమోదయ్యాయి. ఇప్పటి వరకూ 273 మంది కరోనా వైరస్ కారణంగా చనిపోయారు. ఇప్పటి వరకూ 716 మంది డిశ్చార్జ్ అయ్యారు. దీంతో కేంద్ర ప్రభుత్వం లాక్ డౌన్ ను మరికొంతకాలం పొడిగించే అవకాశాలు ఉన్నాయి. అయితే కొన్ని మినహాయింపులు ఇవ్వాలని కూడా కేంద్ర ప్రభుత్వం యోచిస్తుంది. రెడ్ జోన్, ఆరెంజ్ జోన్, గ్రీన్ జోన్లుగా విభజించి లాక్ డౌన్ పై నిర్ణయం తీసుకునే ఆలోచనలో కేంద్ర ప్రభుత్వం ఉంది. గ్రీన్ జోన్ లుగా ఉండే ప్రాంతాల్లో లాక్ డౌన్ కు సడలింపులు ఇవ్వాలని యోచిస్తుంది.