బొమ్మను పగులగొట్టిన కొడుకు.. 3 లక్షల బిల్లు కట్టిన తండ్రి

టాయ్ స్టోర్ లో పిల్లలను గమనించకుండా వదిలివేయడం ఎల్లప్పుడూ ప్రమాదకరం. హాంకాంగ్ కు చెందిన ఓ తండ్రికి చాలా ఖరీదైన తప్పుగా మారింది. చెంగ్‌గా గుర్తించబడిన వ్యక్తి, మోంగ్ కోక్‌లోని ఒక టాయ్ స్టోర్ లో HK$33,600 ($4,255) చెల్లించాడు. అతని కుమారుడు బంగారు-రంగులో ఉన్న 1.8-మీటర్ల పొడవైన టెలీటబ్బీలను పగలగొట్టినట్లు చెబుతున్నారు. చెంగ్ తన భార్య మరియు ఇద్దరు కుమారులతో దుకాణంలో ఉన్నాడు. పెద్ద శబ్దం విన్న తర్వాత, ముక్కలు ముక్కలుగా పడి ఉన్న 1.8-మీటర్ల బంగారు టెలీటబ్బీస్ బొమ్మను అతని కొడుకు చూస్తున్నాడు. అయితే స్టోర్ లో రికార్డు అయిన వీడియోలో చెంగ్ కొడుకు ఆ బొమ్మను చూస్తూ ఉన్నాడు అంతే..!

స్టోర్ యాజమాన్యం మాత్రం చెంగ్ కొడుకు కారణంగానే ఆ బొమ్మ కింద పడిపోయిందని ఆరోపించారు. ఆన్‌లైన్‌లో చాలా మంది వ్యక్తులు KKPlus స్టోర్ యాజమాన్యం ప్రమాదానికి పిల్లవాడిని అన్యాయంగా నిందించారని అంటున్నాడు. "నా కొడుకు కదలకుండా ఉన్నాడు. అతను బొమ్మను చూస్తూ ఉన్నాడు అంతే, " అని చెంగ్ వాపోయాడు. తన పిల్లాడు బొమ్మను తన్నడంతో డబ్బులు చెల్లించాలని సిబ్బంది చెప్పారని ఆయన తెలిపారు. చెంగ్ తో షాపు సిబ్బంది $33,600 ధరను వసూలు చేసింది. వీడియో విడుదలైనప్పటి నుండి, చాలా మంది వ్యక్తులు పిల్లాడిని కావాలనే ఫ్రేమ్ చేసినందుకు స్టోర్‌ను విమర్శిస్తున్నారు. KKPlus మాత్రం కస్టమర్‌ను ఇబ్బంది పెట్టడం ఇష్టం లేదని.. దాని ధరను మాత్రమే అడిగామని చెప్పింది. ఎక్కువ వసూలు చేయలేదని చెప్పింది.