Kcr : ముందస్తు ఎన్నికలపై కేసీఆర్ క్లారిటీ

ముందస్తు ఎన్నికలపై తెలంగాణ ముఖ్యమంత్రి కేసీఆర్ స్పష్టత ఇచ్చారు. ఈసారి ముందస్తు ఎన్నికలకు వెళ్లడం లేదని ఆయన చెప్పారు. ఇంకా రెండేళ్లు ఎన్నికలకు సమయం ఉందని, ఈ రెండేళ్లలో చేయాల్సిన పనులు చాలానే ఉన్నాయని కేసీఆర్ తెలిపారు. పార్టీ రాష్ట్ర కార్యవర్గ సమావేశంలో కేసీఆర్ ఈ వ్యాఖ్యలు చేశారు. ఈసారి ఎమ్మెల్యేలందరినీ గెలిపించుకునే బాధ్యత తనదేనని చెప్పారు. చేయాల్సిన పనులు చాలా ఉన్నందున ముందస్తు ఎన్నికల ఊసే లేదన్నారు.

27న హుజూరాబాద్ కు….

హుజూరాబాద్ ఉప ఎన్నికకు సంబంధించి తాను ఈనెల 27వ తేదీన ప్రచారానికి వస్తానని చెప్పారు. సభకు ఏర్పాట్లు చేసుకోవాలని ఆదేశించారు. వరంగల్ లో జరిగే ప్రజా గర్జన సభను కూడా విజయవంతం చేయాలని కేసీఆర్ కోరారు. ఈసారి ఇంకా ఎక్కువ స్థానాలను గెలవాలని కేసీఆర్ నేతలకు పిలుపునిచ్చారు.