Kcr : నేడు యాదాద్రికి కేసీఆర్… ప్రారంభ తేదీ ఎప్పుడంటే?

తెలంగాణ ముఖ్యమంత్రి కేసీఆర్ నేడు యాదాద్రికి వెళ్లనున్నారు. ఉదయం 11.30 గంటలకు ఆయన బయలుదేరి వెళతారు. యాదాద్రి ఆలయ పనుల పురోగతిని కేసీఆర్ పరిశీలించనున్నారు. ఆలయ పునర్నిర్మాణ పనులను అనేక సార్లు కేసీఆర్ సమీక్షించారు. అయితే తాను చెప్పినట్లు పునర్నిర్మాణ పనులు జరిగాయా? లేదా? అన్నది కేసీఆర్ పరిశీలించనున్నారు. దాదాపు 500 కోట్ల రూపాయలతో యాదాద్రి ఆలయ పునర్నిర్మాణ పనులను పూర్తి చేసిన సంగతి తెలిసిందే.

నేడు ప్రకటించే అవకాశం…

దీంతో పాటు యాదాద్రి ఆలయ పునర్నిర్మాణ పనులు పూర్తి కావడంతో ప్రారంభించే తేదీని కేసీఆర్ నేడు వెల్లడించనున్నారు. ఇప్పటికే చినజీయర్ స్వామి దీనికి ముహూర్తం నిర్ణయించారు. యాదాద్రి ఆలయ ప్రారంభానికి కేసీఆర్ రాష్ట్రపతి, ప్రధాని వంటి ప్రముఖులను ఆహ్వానించారు. ముందుగా ఇక్కడ మహా సుదర్శనయాగాన్ని కూడా నిర్వహించనున్నారు. డిసెంబరు నెలలో యాదాద్రి ఆలయ ప్రారంభ తేదీ ఉండే అవకాశముంది.