Manipur : ఉగ్రవాదుల దాడి … ఐదుగురు మృతి

ఉగ్రవాదులు మణిపూర్ లో కాల్పులు జరిపారు. పౌరులపై కాల్పులు జరపడంతో ఐదుగురు మృతి చెందారు. మణిపూర్ రాష్ట్రంలోని కాంగ్ పోక్సి జిల్లాలో బీగమ్మోమ్ ప్రాంతంలో ఉగ్రవాదులు దాడికి పాల్పడ్డారు. కనిపించిన గ్రామస్థులపై విచక్షణ రహితంగా కాల్పులు జరిపారు. దీంతో ఆ గ్రామానికి చెందిన పెద్దతో పాటు నలుగురు పౌరులు ప్రాణాలు వదిలారు. మృతుల్లో బాలుడు కూడా ఉండటం విశేషం.

కుకీ మిలిటెంట్లు….

కాల్పులకు తెగబడింది కుకీ మిలిటెంట్లుగా పోలీసులు గుర్తించారు. మిలిటెంట్ల కోసం పోలీసులు విస్తృతంగా గాలింపు చర్యలు చేపట్టారు. గత ఆదివారం పోలీసుల కాల్పుల్లో నలుగురు కుకీ ఉగ్రవాదులు మరణించారు. దీనికి ప్రతీకార చర్యగానే వారు కాల్పులు జరిపినట్లు తెలుస్తోంది.