మద్యంబాబులకు షాక్.. న్యూయర్ డే లిక్కర్ షాపులు బంద్

ఇక అనుకున్నట్లే కొన్ని రాష్ట్రాలు పండుగల నేపథ్యంలో.. పలు నిబంధనలు, ఆంక్షలను అమలు చేస్తున్నాయి. ఇందులో భాగంగానే ఓ రాష్ట్రం జనవరి 1వతేదీన లిక్కర్ షాపులను మూసివేయాలని ఆదేశించింది. న్యూ ఇయర్ అంటే.. మందుబాబులకు పండుగ. ఎక్కడలేని మద్యమంతా ఏరులై పారుతుంది. కోట్లలో జరిగే వ్యాపారాలతో.. గల్లా పెట్టెలు గలగలలాడుతాయి. ఇంతకీ ఏ రాష్ట్రంలో మద్యం షాపులు బంద్ అవుతున్నాయో తెలుసా ? కంగారు పడకండి. మన తెలుగు రాష్ట్రాల్లో కాదు.. మేఘాలయ రాష్ట్రంలో ఈ నిబంధనను అమలు చేస్తున్నారు. డిసెంబర్ 24,25 తేదీల్లో, కొత్త సంవత్సరం మొదటి రోజున మద్యం దుకాణాలను మూసివేయాలని మేఘాలయ ప్రభుత్వం ఆదేశాలు జారీ చేసింది. అయితే ఈ ఆదేశాలు రాష్ట్రమంతా వర్తించవు. కేవలం ఈస్ట్ ఖాసి హిల్స్ జిల్లాకు మాత్రమే ఈ ఆదేశాలను జారీ చేశారట. ఈ మేరకు రాష్ట్ర ప్రభుత్వం జీఓ విడుదల చేసింది.