పొడిగింపు తప్పేట్లు లేదు… అనుకున్నట్లుగా జరగకపోవడమే

దేశవ్యాప్తంగా లాక్ డైౌన్ మరో వారం రోజుల పాటు పొడిగించే అవకాశాలున్నాయి. రోజురోజకూ దేశ వ్యాప్తంగా కరోనా పాజిటివ్ కేసులు పెరుగుతుండటమే ఇందుకు కారణం. నిజానికి ఏప్రిల్ 14వ తేదీ వరకే లాక్ డౌన్ విధించారు. ఆ తర్వాత దశల వారీగా లాక్ డౌన్ ను ఎత్తివేయాలని కేంద్ర ప్రభుత్వం భావించింది. తొలుత వైరస్ కంట్రోల్ లోనే ఉన్నట్లు కన్పించినా మర్కజ్ మసీదు ప్రార్థనల ద్వారా దేశంలోని 14 రాష్ట్రాలకు ఈ వ్యాధి సోకింది. దీంతో కేంద్ర ప్రభుత్వం మరో వారం రోజుల పాటు లాక్ డౌన్ పొడిగించే యోచనలో ఉన్నట్లు తెలుస్తోంది. ఈ నెల 8వ తేదీన జరిగే అఖిలపక్ష సమావేశంలో దీనిపై వివిధ పార్టీల అభిప్రాయాలను తీసుకున్న తర్వాత ప్రకటన చేసే అవకాశముంది.