భారత జాతీయ కాంగ్రెస్ అధ్యక్షుడు రాహుల్ గాంధీ నిర్వహించే సమావేశానికి ఏపీ ముఖ్యమంత్రి నారా చంద్రబాబునాయుడు కోడలు నారా బ్రాహ్మణి హాజరవుతున్నారు. రాహుల్ గాంధీ రెండు రోజుల తెలంగాణ పర్యటన నేపథ్యంలో వివిధ వర్గాలతో సమావేశమవుతున్నారు. ఎన్నికల మ్యానిఫేస్టోలో పొందుపర్చాల్సిన అంశాలపై ఈ సమావేశాల్లో చర్చిస్తున్నారు. ఇందులో భాగంగా పారిశ్రామిక వేత్తలతో రాహుల్ గాంధీ సమావేశం అవుతున్నారు. ఈ సమావేశానికి నారా బ్రాహ్మణి హాజరవుతున్నారు. పారిశ్రామిక వేత్తల నుంచి తెలంగాణలో జరుగుతున్న అభివృద్ధి, పరిశ్రమలకు ఏ విధంగా ప్రోత్సాహకాలు అందించాలన్న దానిపై రాహుల్ వారిని అడిగి తెలుసుకోనున్నారు.