లోకేష్ డిన్నర్ అదిరిందటగా

తెలుగుదేశం పార్టీ నేతలు ఏపీలో నిస్తేజంలో ఉన్న సమయంలో యువనేతలను ప్రోత్సహించాలని చంద్రబాబు నిర్ణయించారు. ఇందుకోసం ప్రత్యేకంగా హైదరాబాద్ లోని తన ఇంట్లో టీడీపీలోని యువనేతలతో విందు సమావేశాన్ని ఏర్పాటు చేశారు. ఏపీలోని దాదాపు 35 మంది యువనేతలు ఫ్యామిలీతో హాజరై ఈ విందు సమావేశంలో పాల్గొన్నారు. ఈ సమావేశంలో లోకేష్, బ్రాహ్మణి, చంద్రబాబు, భువనేశ్వరిలు పాల్గొన్నారు. ఈ సమావేశానికి శ్రీకాకుళం ఎంపీ రామ్మోహన్ నాయుడు, గౌతు శిరీష, బండారు సత్యానందరావు కుమారుడు అప్పలనాయుడు, అయ్యన్న పాత్రుడు కుమారుడు విజయ్, పరిటాల శ్రీరామ్, టీజీ భరత్, జేసీ దివాకరర్ రెడ్డి కుమారుడు పవన్ రెడ్డి, భూమా అఖిలప్రియ, బొజ్జల సుధీర్ రెడ్డి, కేఈ హరి, గాలి భాను ప్రకాశ్ తదితరులు పాల్గొన్నారు. యువనేతలే పార్టీని భవిష్యత్తులో నడిపించాలని చంద్రబాబు ఈ సందర్భంగా వారికి దిశానిర్దేశం చేశారు. విందులో ఆంధ్ర రుచులతో కూడిన వంటకాలు ప్రత్యేక ఆకర్షణగా నిలిచాయి.