Tirumala : తుపాను ఎఫెక్ట్.. నేడు తిరుమలలో భక్తుల రద్దీ ఎలా ఉందంటే?

కాకుంటే ముందుగానే ప్రత్యేక దర్శనం టిక్కెట్లను బుక్ చేసుకున్న వారు మాత్రం తిరుమలకు చేరుకుని ఏడుకొండలవాడికి తమ మొక్కులు తీర్చుకుంటున్నారు. తిరుమలలో కూడా తుపాను ప్రభావంతో భారీ వర్షంప పడే అవకాశాలున్నాయని అధికారులు భావిస్తున్నారు. ఈరోజు తిరుమలలోని వైకుంఠం క్యూకాంప్లెక్స్ లోని మూడు కంపార్ట్ మెంట్లలో భక్తులు శ్రీవారి దర్శనం కోసం వేచి ఉన్నారు. ఉచిత దర్శనం క్యూ లైన్ లో ఉదయం ఏడు గంటలకు టోకెన్లు లేకుండా ప్రవేశించిన భక్తులకు శ్రీవారి దర్శనం పది గంటల సమయం పడుతుందని తిరుమల తిరుపతి దేవస్థానం అధికారులు తెలిపారు. టైమ్ స్లాట్ దర్శనం భక్తులకు రెండు గంటల సమయం పడుతుంది. మూడు వందల రూపాయల ప్రత్యేక దర్శనం టిక్కెట్లు కొనుగోలు చేసిన భక్తులకు శ్రీవారి దర్శనం రెండు నుంచి మూడు గంటల సమయం పడుతుంది. నిన్న తిరుమల శ్రీవారిని 67,626 మందిభక్తులు దర్శించుకున్నారు. వీరిలో 22,231 మందిభక్తులు తమ తలనీలాలను సమర్పించి మొక్కులు చెల్లించుకున్నారని అధికారులు తెలిపారు. నిన్న తిరుమల శ్రీవారి హుండీ ఆదాయం 3.75 కోట్ల రూపాయలు వచ్చిందని అధికారులు తెలిపారు.