మే తర్వాతనే రాహుల్ తెలంగాణ పర్యటన

కాంగ్రెస్ అధినేత రాహుల్ గాంధీని తెలంగాణ కాంగ్రెస్ నేత మధుయాష్కీ కలిశారు. ఆయనను తెలంగాణకు రావాల్సిందిగా ఆహ్వానించారు. ఈ సందర్భంగా తెలంగాణలో పార్టీ పరిస్థితిపై రాహుల్ గాంధీ ఆరా తీశారు. పీసీసీ చీఫ్, ప్రచార కమిటీకి ఒకే సామాజిక వర్గం నుంచి నేతలను ఎంపిక చేయవద్దని మధుయాష్కీ సూచించారు. తెలంగాణ నాయకులతో సమావేశం అయతే వారి అభిప్రాయాలు తెలుస్తాయని మధుయాష్కీ రాహుల్ గాంధీకి వివరించారు. ఐదు రాష్ట్రాల ఎన్నికల తర్వాత తాను తెలంగాణలో పర్యటిస్తానని రాహుల్ గాంధీ చెప్పినట్లు మధు యాష్కీ తెలిపారు.