వైసీపీ ఎమ్మెల్యే అభ్యర్థులు వీరే... ఖరారు చేసిన జగన్

స్థానిక సంస్థలు, ఎమ్మెల్యే కోటా ఎమ్మెల్సీ అభ్యర్థులను జగన్ ఖరారు చేశారని సజ్జల రామకృష్ణారెడ్డి తెలిపారు. రాజకీయ సాధికారికత అంటే నిజంగా చూపించాలన్న లక్ష్యంతోనే నియామకాలు చేపట్టడం జరిగిందన్నారు. అధికారంలో బలహీనవర్గాలు పాలు పంచుకోవాలన్న లక్ష్యంతోనే నిర్ణయాలు తీసుకుంటున్నారని తెలిపారు. ఎన్నికల సమయంలోనూ కాకుండా అవకాశం వచ్చినప్పుడు వారికి ఛాన్స్ ఇచ్చే విధంగా చర్యలు ఉంటున్నాయని తెలిపారు. విపక్షాలు ఎన్ని విమర్శలు చేసినా వారు అధికారంలో ఉన్నప్పుడు ఎంతమందికి బలహీన వర్గాలకు పదవులు ఇచ్చారన్నది చూసుకోవాలని అన్నారు.

ఏ రాజకీయ పార్టీ అయినా అధికారంలోకి రావాలనుకుంటుందని, అయితే శాసనమండలి, రాజ్యసభ సభ్యుల ఎంపికలో సామాజిక న్యాయం చూపడం జరిగిందన్నారు. 2014 -19 టీడీపీ హయాంలో మండలికి 48 మందిని ఎంపిక చేస్తే 30 అగ్రవర్ణాలన్నారు. 18 మందికి మాత్రమే బలహీన వర్గాల వారికి ఇచ్చారన్నారు. టీడీపీ చిత్తశుద్ధి అక్కడే కనపడుతుందన్నారు. 62.5 శాతం మంది ఓసీలకు ఇచ్చారన్నారు. ఛాన్స్ లేనప్పుడు వర్ల రామయ్య లాంటి వారిని ఎన్నికల బరిలోకి దించుతారని సజ్జల అన్నారు. 18 మంది నియామకాలు చేస్తే బీసీలు11, ఎస్సీలు ఇద్దరు, ఒక ఎస్టీ, నలుగురు ఓసీలున్నారు. ప్రస్తుతం శాసనమండలిలో 44 మందికి గాను 19 మంది బీసీలు, ఆరుగురు ఎస్సీ, ఒక ఎస్టీ, నలుగురు మైనారిటీలు మిగిలిన వాళ్లు ఓసీలు ప్రస్తుతం మండలిలో ఉండబోతున్నారని తెలిపారు. స్థానాల జగన్ నిర్ణయం చరిత్రాత్మకమైనదన్నారు. విప్లవాత్మకమైనదని చెప్పారు. ఎమ్మెల్యే కోటాలో ఏడుగురు, గవర్నర్ కోటాలో ఇధ్దరు, స్థానిక సంస్థల కోటాలో తొమ్మిది మంది అభ్యర్థుల పేర్లను ఖరారు చేశారన్నారు.