Sajjala : అమిత్ షాతో ఈయన ఏం చెబుతాడో?

బూతులు మాట్లాడే హక్కు కోసం చంద్రబాబు దీక్షలు చేస్తున్నారని వైసీపీ ప్రధాన కార్యదర్శి సజ్జల రామకృష్ణారెడ్డి అన్నారు. పార్టీ కార్యాలయాన్ని దేవాలయంగా చెబుతున్న చంద్రబాబు అదే దేవాలయంలో బూతులు మాట్లాడిస్తాడా? అని ప్రశ్నించారు. చంద్రబాబుకు రాష్ట్రపతి పాలన ఈ మధ్య తరచూ గుర్తొస్తున్నాయని సజ్జల రామకృష్ణారెడ్డి ఎద్దేవా చేశారు. చిన్న పిల్లలు, కుటుంబ సభ్యులు వినకూడని మాటలకు మద్దతుగా చంద్రబాబు దీక్ష చేస్తున్నట్లుందన్నారు.

అన్నీ చిల్లర రాజకీయాలే….

చంద్రబాబు చేసేవన్నీ చిల్లర రాజకీయాలని సజ్జల రామకృష్ణారెడ్డి విమర్శించారు. చంద్రబాబు జిమ్మిక్కులను ప్రజలు ఎవరూ నమ్మరన్నారు. ముందు పట్టాభి చేసిన వ్యాఖ్యల పట్ల చంద్రబాబు క్షమాపణ చెప్పాలని సజ్జల రామకృష్ణారెడ్డి డిమాండ్ చేశారు. అమిత్ షాను కలసి ఏం చెబుతారని ప్రశ్నించారు. ఆయనకు బోస్ డీకే పదానికి అర్థం చెబుతారా? అని అన్నారు. గుంటూరులో జరుగుతున్న జనాగ్రహ దీక్షలో సజ్జల రామకృష్ణారెడ్డి ప్రసంగించారు.