అంతర్వేదిలో ఉద్రిక్తత…మంత్రుల వాహనాలపై…?

అంతర్వేదిలో ఉద్రిక్తత చోటు చేసుకుంది. మంత్రులు వెల్లంపల్లి శ్రీనివాస్, చెల్లుబోయిన వేణుగోపాల్, విశ్వరూప్ లు పర్యటించారు. ఈ సందర్భంగా ఆందోళనకారులు మంత్రులు పర్యటన అడ్డుకున్నారు. వారి వాహనాలపై రాళ్ల దాడిచేశారు. దీంతో మంత్రులను సురక్షితంగా ఆలయంలోకి అధికారులు చేర్చారు. అంతర్వేదిలో స్వామి వారి రధం అగ్నికి ఆహుతయిన ఘటనపై ప్రభుత్వం విచారణకు ఆదేశించింది. ఈవోను విధుల నుంచి తప్పించింది. డీఐజీ స్థాయి అధికారితో విచారణను చేపట్టింది. దీనిని పరిశీలించడానికి వచ్చిన మంత్రులను ఆందోళనకారులు అడ్డుకున్నారు. ఘటనను నిరసిస్తూ మలికిపురం సెంటర్ నుంచి అంతర్వేది వరకూ ఆందోళన కారులు భారీ ర్యాలీని చేపట్టారు.