Vijaya sai : లోకేష్ కు డ్రగ్స్ లో భాగస్వామ్యం

టీడీపీ అధినేత చంద్రబాబు పై వైఎస్సార్ కాంగ్రెస్ పార్టీ రాజ్యసభ సభ్యుడు విజయసాయిరెడ్డి ఆగ్రహం వ్యక్తం చేశారు. చంద్రబాబు రాష్ట్రపతికి ఏం ఫిర్యాదు చేశారని ప్రశ్నించారు. పట్టాభి జగన్ పై చేసిన వ్యాఖ్యలను చూపించారా? అని విజయసాయిరెడ్డి నిలదీశారు. ఏపీ పరువు తీయడానికే చంద్రబాబు ఢిల్లీకి వచ్చినట్లుందని అన్నారు. ఆర్టికల్ 356 ని రద్దు చేయాలని కోరి చంద్రబాబు ఊసరవెల్లి రాజకీయాలకు తెరతీశారన్నారు.

వ్యవస్థలను మేనేజ్ చేయడానికే….

చంద్రబాబు ఢిల్లీ వచ్చింది వ్యవస్థలను మేనేజ్ చేయడానికేనని విజయసాయిరెడ్డి అన్నారు. అసాంఘిక శక్తులకు చంద్రబాబు రారాజు అని అన్నారు. గంజాయి వ్యాపారంలో లోకేష్ కు భాగస్వామ్యం ఉందని ఆరోపించారు. చంద్రబాబు తీరువల్లనే టీడీపీ నాశనమయిందన్నారు. చంద్రబాబు నిజస్వరూపం తెలుసుకునే పార్టీని ప్రజలు పక్కన పెట్టారన్నారు. జగన్ ను దూషించిన పట్టాభిపై కనీసం చంద్రబాబు చర్యలు తీసుకోలేదన్నారు.