లాక్ డౌన్ లో మందు అమ్ముతూ.. సీక్రెట్ అఫైర్స్ పబ్ లో…?

హైదరాబాదులోని జూబ్లీహిల్స్ పోలీస్ స్టేషన్ పరిధిలో ఉన్న సీక్రెట్ అఫైర్స్ పబ్ పై వెస్ట్ జోన్ టాస్క్ ఫోర్స్ పోలీసులు దాడులు చేశారు.ఈ పబ్ పైన కొన్నాళ్ల క్రితం టాస్స్ ఫోర్ పోలీసులు దాడి చేశారు. ఈ సమయంలో 21 మంది అమ్మాయిలతో రెయిన్ డ్యాన్స్ చేస్తూ పబ్ యజమాన్యం దొరికిపోయింది. ఒక కంపెనీకి సంబంధించి ప్రమోషన్ లలో భాగంగా ఇక్కడ రేవ్ పార్టీని నిర్వహిస్తుండగా టాస్క్ ఫోర్స్ పోలీసులు గతంలో దాడి చేసి పట్టుకున్నారు. అయితే అప్పటి నుంచి కూడా పబ్ ని అధికారులు సీజ్ చేసి పెట్టడం జరిగింది. కక్కుర్తికి పాల్పడ్డ పబ్ యాజమాన్యం వెనకనుండి పబ్ ను ఓపెన్ చేసి ఇప్పుడు అక్రమ దందా కొనసాగిస్తుంది. లాక్ డౌన్ నిబంధనలకు విరుద్ధంగా మద్యం అమ్మకాలు పబ్ నిర్వాహకులు చేస్తున్నారని పోలీసులకు సమాచారం రావడంతో వెంటనే ఆ పబ్ పై దాడులు చేశారు. పబ్ నిర్వాహకులను అరెస్టు చేసి వారి వద్ద నుంచి 15 లక్షల విలువ చేసే మద్యం స్వాధీనం చేసుకున్నారు. టాస్క్ ఫోర్స్ పోలీసులు నిందితుడిని అదుపులోకి తీసుకుని జూబ్లీహిల్స్ పోలీసులకు అప్పగించారు. పోలీసులు కేసు నమోదు చేసుకుని దర్యాప్తు చేస్తున్నారు.