ఎల్లుండి కడపకు జగన్

ఆంధ్రప్రదేశ్ ముఖ్యమంత్రి వైఎస్ జగన్మోహన్ రెడ్డి ఈ నెల 8వ తేదీన కడప జిల్లాలో పర్యటించనున్నారు. ఆరోజు ఉదయం ఇడుపులపాయలోని వైఎస్సార్ ఘాట్ వద్ద తన తండ్రికి జగన్ నివాళులర్పిస్తారు. వైఎస్ జయంతి వేడుకల్లో పాల్గొంటారు. ఈ సందర్భంగా పలు అభివృద్ధి కార్యక్రమాల్లో పాల్గొననున్నారు. 9వ తేదీన కడప, బద్వేలు నియోజకవర్గాల్లో జగన్ పర్యటిస్తారు. అక్కడ పలు అభివృద్ధి పనులకు శంకుస్థాపనలు, ప్రారంభోత్సవాలు చేస్తారు. జగన్ పర్యటనకు సంబంధించి అధికారులు అన్ని ఏర్పాట్లు చేస్తున్నారు.