Ukraine War : యుద్ధంతో ఈ వస్తువులు మరింత ప్రియం

ప్రధానంగా సన్ ఫ్లవర్ ఆయిల్ ఉక్రెయిన్, రష్యాల నుంచే భారత్ దిగుమతి చేసుకుంటుంది. ఉక్రెయిన్ నుంచి 70 శాతం, రష్యా నుంచి ఇరవై శాతం దిగుమతి చేసుకుంటూ వస్తుంది. యుద్ధం మరికొద్ది రోజుల పాటు జరిగితే నూనె ధరలు భారత్ లో విపరీతంగా పెరిగే అవకాశముంది. గత ఏడాది భారత్ 1.89 మిలియన్ టన్నుల సన్ ఫ్లవర్ ఆయిల్ ను దిగుమతి చేసుకుంది.

అలాగే గోధుమల దిగుమతిని కూడా భారత్ ఉక్రెయిన్, రష్యాల నుంచే ఎక్కువగా చేసుకుంటుంది. గోధుమల వినియోగం భారత్ లో ఎక్కువగా ఉండటం, ఈ యుద్ధం వాతావరణంతో దిగుమతులు కష్టమే. అందుకే గోధుమల ధరలు పెరుగుతాయని చెబుతున్నారు. దీంతో పాటు మొబైల్ ఫోన్ల ధరలు కూడా పెరిగే అవకాశముంది. మొబైల్ ఫోన్లలో వినియోగించే పల్లాడియం లోహం రష్యా నుంచే వస్తుంది. పల్లాడియం ధరలు కూడా పెరిగి మొబైల్ ఫోన్ల ధరలు మరింత ప్రియంకానున్నాయని మార్కెట్ నిపుణులు చెబుతున్నారు.