Ukrain War : ఉక్రెయిన్ నుంచి చేరుకున్న ఐదో విమానం
ఉక్రెయిన్ నుంచి భారతీయులను తరలించే ప్రక్రియ వేగం అందుకుంది. బుకారెస్ట్ నుంచి ఢిల్లీకి ఐదో విమానం చేరుకుంది
ఉక్రెయిన్ నుంచి భారతీయులను తరలించే ప్రక్రియ వేగం అందుకుంది. బుకారెస్ట్ నుంచి ఢిల్లీకి ఐదో విమానం చేరుకుంది. ఈ విమానంలో 249 మంది భారతీయలు ఢిల్లీ విమానాశ్రయానికి చేరుకున్నారు. వీరందరినీ వారి స్వస్థలాలకు చేర్చేందుకు ఇటు కేంద్ర ప్రభుత్వం అటు రాష్ట్ర ప్రభుత్వం చర్యలు తీసుకుంటున్నాయి.
ఇప్పటి వరకూ....
ిఇప్పటికే ఐదు విమానాలలో 1156 మంది భారతీయులను ఉక్రెయిన్ నుంచి భారత్ కు సురక్షితంగా చేర్చగలిగారు. అయితే ఉక్రెయిన్ లో యుద్ధం మొదలు కాకముందే నాలుగువేల మంది భారతీయులు భారత్ కు వచ్చారు. విమానంలో భారత్ కు చేరుకున్న వారికి విమానయాన శాఖ మంత్రి జ్యోతిరాదిత్య సింధియా పుష్పగుచ్ఛాలు ఇచ్చి స్వాగతం చెప్పారు. ఉక్రెయిన్ లో మరో పదమూడు వేల మంది భారతీయులు ఉన్నారని, వారందరినీ సురక్షితంగా భారత్ కు తరలిస్తామని జ్యోతిరాదిత్య సింధియా చెప్పారు. విమానంలో భారత్ కు చేరుకున్న భారతీయులు కేంద్ర ప్రభుత్వానికి, ప్రధాని నరేంద్ర మోదీకి స్వాగతం పలికారు.