అతిపెద్ద కార్గో విమానం "మ్రియా"ను ధ్వంసం చేసిన రష్యా

మ్రియా అంటే.. ఉక్రెయిన్ భాషలో కల. ప్రపంచంలోనే అతిపెద్ద కార్గో విమానంగా గుర్తింపు పొందిన ఈ విమానం.. ఉక్రెయిన్ రాజధాని కీవ్ కు సమీపంలోని హోస్టోమెల్ ఎయిర్ పోర్టుపై రష్యా దళాలు జరిపిన దాడిలో ధ్వంసమైనట్లు ఉక్రెయిన్ విదేశాంగశాఖ మంత్రి దిమిత్రో కులేబా తెలిపారు. మ్రియాను ధ్వంసం చేయడంపై ఉక్రెయిన్ ఆగ్రహం వ్యక్తం చేసింది. ఈ దాడిపై స్పందిస్తూ మ్రియాను పునర్ నిర్మిస్తామని స్పష్టం చేసింది. రష్యా ధ్వంసం చేసింది విమానాన్నే కానీ తమ మ్రియా ఎప్పటికీ నశించదని పేర్కొంటూ ట్విట్టర్ లో విమానం ఫొటోను షేర్ చేసింది.