Fact Check: پارلیمنٹ میں خواتین ریزرویشن بل پیش کرنے کے دوران ایوان میں حاضر تھے مودی

راجیہ سبھا میں خواتین کے ریزرویشن بل یا ناری شکتی وندن ادھینیم کے پاس ہونے کے فوراً بعد، گزشتہ ہفتے ایک انفوگرافک جس میں دعویٰ کیا گیا تھا کہ وزیر اعظم نریندر مودی بحث سے غیر حاضر تھے، انٹرنیٹ پر وائرل ہو گیا۔

اس میں دعویٰ کیا گیا ہے کہ پارلیمنٹ میں خواتین ریزرویشن بل کی منظوری کے لیے ہورہی بحث سے وزیراعظم مودی غیر حاضر تھے۔

انفوگرافک میں نتن گڈکری، امیت شاہ، راج ناتھ سنگھ اور دیگر بی جے پی ممبران پارلیمنٹ کو پارلیمنٹ ہاؤس میں بیٹھے دیکھا جا سکتا ہے۔ تاہم پی ایم مودی تصویر سے غائب دکھائی دے رہے ہیں۔ اس انفوگرافک میں کچھ مواد تحریر بھی کیا گیا ہے کہ :’’ یہ بدقسمتی کی بات ہے کہ وزیر اعظم مودی، جو خواتین کی پرواہ کرنے کا ڈرامہ کرتے ہیں، جب خواتین کے ریزرویشن بل پر بحث ہو رہی ہے تو وہ غیر حاضر ہیں۔‘‘

فیکٹ چیک:

کئی نیوز رپورٹس نے اس کے برعکس ثابت کیا ہے۔ نریندر مودی اس وقت موجود تھے جب اس بل کی حمایت میں مکمل حمایت کا اظہار کیا جارہا تھا۔

مودی نے خواتین ریزرویشن بل متعارف کرایا اور 19 ستمبر کو نئی پارلیمنٹ ہاؤس میں سیشن کے پہلے دن تقریر بھی کی۔ ووٹنگ کی شروعات سے قبل، انہوں نے ایوان سے خطاب کیا اور خواتین کے ریزرویشن بل کے لئے ایک زور دار کال بھی دی اور راجیہ سبھا سے بل کو متفقہ طور پر منظور کرنے پر زور دیا۔

ایوان بالا میں تقریر کرتے ہوئے مودی نے کہا، ’’آج ہم خواتین کو بااختیار بنانے کی سمت ایک اہم قدم اٹھا رہے ہیں۔ آج (19 ستمبر 2023) ایک یادگار اور تاریخی دن ہے۔ ایک اہم آئینی ترمیمی بل پیش کیا جارہا ہے۔ خواتین کی زیر قیادت ترقی کو آگے بڑھاتے ہوئے حکومت ایک اہم آئینی ترمیمی بل پیش کر رہی ہے۔ اس بل کا مقصد لوک سبھا اور ریاستی اسمبلیوں میں خواتین کی شرکت کو بڑھانا ہے۔ ’ناری شکتی وندن ادھینیم‘ کے ذریعے ہماری جمہوریت مضبوط ہوگی۔ (یہاں مزید پڑھیں)

اعلان کا ویڈیو یوٹیوب پر بھی دستیاب ہے۔

اس کے علاوہ وزیراعظم مودی اس بل پر ہونے والی ووٹنگ کے دوران بھی موجود تھے۔ (دیکھیے پورا عمل)

بل کے منظور ہونے کے بعد خواتین ارکان پارلیمنٹ نے پی ایم مودی کے ساتھ پارلیمنٹ میں اس لمحے کا جشن منایا۔

مودی نے لوک سبھا کے اراکین کا شکریہ ادا کرنے کے لیے X (سابقہ، ٹوئٹر) پر بھی ردعمل ظاہر کیا ہے۔ پی ایم مودی نے کہا، ’’میں پارٹی لائنوں کے تمام ارکان پارلیمنٹ کا شکریہ ادا کرتا ہوں جنہوں نے اس بل کی حمایت میں ووٹ دیا۔‘‘

ظاہر ہے، یہ واضح ہے کہ بل کی منظوری کے وقت نہ صرف پی ایم مودی موجود تھے بلکہ اس کی مکمل حمایت میں تھے۔

اس طرح یہ دعویٰ غلط ہے۔