Fact Check: بی جے پی امیدوار منوج تیواری کی شکست کا دعویٰ کرنے والا اوپی نین پول من گھڑت ہے

سوشل میڈیا کے صارفین نے اسکرین شاٹ کواس کیپشن کے ساتھ شیئر کیا۔ “मनोज तिवारी तो गयो ۔ اس کا مطلب ہے "منوج تیواری تو گیا"۔

فیکٹ چیک:

تحقیق کے دوران، ہم نے پایا کہ یہ دعویٰ جھوٹا ہے، اور یہ ایک من گھڑت اسکرین شاٹ ہے۔

ریورس امیج سرچ کے دوران ہمیں پتہ چلا کہ اے بی پی نیوز نے اسکرین شاٹ کو اپنے آفیشل سوشل میڈیا پر شیئرکرتے ہوئے کہا : “सोशल मीडिया पर ओपिनियन पोल को लेकर abp न्यूज़ का Fake Screenshot वायरल हो रहा है. ऐसी खबर ABP News पर प्रसारित नहीं की गई है. ऐसी भ्रामक खबरों से सावधान रहें. सही और सटीक जानकारी के लिए हमारे सोशल मीडिया हैंडल को फॉलो करें”.

ترجمہ: "اے بی پی نیوز سے متعلق اوپی نین پول کا ایک جعلی اسکرین شاٹ سوشل میڈیا پر وائرل ہو رہا ہے۔ اے بی پی نیوز پر ایسی کوئی خبر نشر نہیں کی گئی ہے۔ اس طرح کی گمراہ کن معلومات سے محتاط رہیں۔ درست اور قابل اعتماد اپ ڈیٹس کے لئے ہمارے سوشل میڈیا ہینڈلز کو فالوکریں"

جب ہم نے ' اے بی پی لوک سبھا اوپی نین پول آن منوج تیواری' کے کیورڈس سے گوگل سرچ کیا تو ہمیں پتہ چلا کہ اے بی پی نیوز نے اپنے یوٹیوب چینل پر26 دسمبر 2023 کو ایک ویڈیو اپ لوڈ کیا تھا۔ 0:09 ٹائم اسٹیمپ پر منوج تیواری کے نتائج دکھائے گئے۔ سروے کے مطابق تیواری اپنے حریف سے آگے چل رہے ہیں۔

Full View

وائرل اوپی نین پول میں این ڈی اے کو 90-110 نشستیں ملنے کا امکان ظاہر کیا گیا ہے۔ حالانکہ حقیقی رائے شماری میں این ڈی اے کو 150-160 سیٹیں ملنے کا امکان ہے۔

اسکے علاوہ، ہمیں اے بی پی نیوز کی طرف سے شائع ایک تفصیلی مضمون ملا جس میں یہ ذکر کیا گیا تھا کہ وائرل پوسٹ جعلی ہے۔

لہٰذا یہ ثابت ہوگیا ہے کہ ایک من گھڑت اوپی نین پول کو سوشل میڈیا پر پھیلایا جا رہا ہے جس میں بتایا گیا ہے کہ منوج تیواری لوک سبھا انتخابات میں اپنی نشست کھو سکتے ہیں۔