టెన్షన్.. తీర్పు ఎలా ఉంటుందో?

కానీ జైలులో చంద్రబాబుకు ప్రాణహాని ఉందని ఆయన తరుపున న్యాయవాదులు వాదించారు. ఆయనకు జడ్ ప్లస్ భద్రత కలిగిన నేత అని, 73 ఏళ్ల వయసుతో పాటు బీపీ, షుగర్ వంటి సమస్యలతో బాధపడుతున్నారని పేర్కొన్నారు. హౌస్ అరెస్ట్ లో ఉంచేలా ఆదేశాలివ్వాలని కోరారు. ఆయన సాక్షులను ఏమాత్రం ప్రభావితం చేయరని, గతంలో హౌస్ రిమాండ్ కు ఇచ్చిన పలు కేసులను కూడా చంద్రబాబు న్యాయవాదులు ఈ సందర్భంగా ఉదహరించారు.

చంద్రబాబు తమ విచారణకు సహకరించలేదని, ఆయనను మరో ఐదు రోజుల పాటు విచారణకు కస్టడీకి ఇవ్వాలంటూ సీఐడీ వేసిన పిటీషన్ పై కూడా నేడు విచారణ జరగనుంది. ఈ కుంభకోణానికి సంబంధించి మరింత లోతుగా అధ్యయనం చేయడానికి ఆయనను కస్టడీకి అప్పగించాలని కూడా సీఐడీ తరుపున న్యాయవాదులు కోరారు. మరోవైపు చంద్రబాబు తరుపున న్యాయవాదులు హైకోర్టులో బెయిల్ పిటీషన్ వేశారు. ఏసీబీ న్యాయస్థానం ఇచ్చిన తీర్పుపై వారు హైకోర్టును ఆశ్రయించారు. అయితే హైకోర్టు ఈ పిటీషన్ పై రేపు విచారణ చేపడతామని తెలిపింది. దీంతో హౌస్ కస్టడీపై తీర్పు ఎలా వస్తుందన్న టెన్షన్ పార్టీ వర్గాల్లో నెలకొంది.