తిరుపతిలో ఇస్రో సైంటిస్టుల బృందం

ఇస్రో సైంటిస్టుల బృందం తిరుపతిలో గల వెంకటాచలపతి ఆలయానికి విచ్చేసింది. గురువారం ఉదయం ఆలయానికి వచ్చిన బృందం.. చంద్రయాన్-3 మినీయేచర్ నమూనాను స్వామివారి వద్ద ఉంచి.. ప్రయోగం విజయవంతం కావాలని ప్రత్యేక పూజలు నిర్వహించింది. మరోవైపు సూళ్లూరుపేటలోని చెంగాలమ్మ ఆలయంలో ఇస్రో చైర్మన్‌ సోమనాథ్‌ ప్రత్యేక పూజలు నిర్వహించారు. సరికొత్త టెక్నాలజీతో చంద్రయాన్-3 ప్రయోగం చేస్తున్నట్లు ఆయన తెలిపారు. మరో వారంరోజుల వ్యవధిలో PSLV-C57 రాకెట్ ప్రయోగం కూడా జరుగనుంది. ఆగస్ట్ చివరి వారంలో ఆదిత్య L1 రాకెట్ ప్రయోగం కూడా ఉంటుందని వెల్లడించారు.