Chandrababu : నేడు ఐదు సంతకాలు.. ఫైళ్లను రెడీ చేసిన అధికారులు

ఆంధ్రప్రదేశ్ ముఖ్యమంత్రి చంద్రబాబు నాయుడు నేడు సచివాలయానికి రానున్నారు. తిరుమల నుంచి విజయవాడకు చేరుకుని సాయంత్రం నిర్ణయించిన ముహూర్తం మేరకు 4.41 నిమిషాలకు చంద్రబాబు ముఖ్యమంత్రిగా బాధ్యతలను స్వీకరించనున్నారు. సచివాలయం మొదటి బ్లాక్ లో ఆయన ముఖ్యమంత్రిగా బాధ్యతలను చేపట్టనున్నారు. ఈ సందర్భంగా సచివాలయం అధికారులు, సిబ్బంది చంద్రబాబుకు భారీగా స్వాగతం పలకనున్నారు. తొలుత బాధ్యతలను స్వీకరించిన అనంతరం ఐదు ఫైళ్లపై చంద్రబాబు సంతకాలు చేయనున్నట్లు అధికార వర్గాలు వెల్లడించాయి.