Ys jagan : నేడు దెందూలూరులో "సిద్ధం"

ఈ సభకు ఉమ్మడి తూర్పు గోదావరి, పశ్చిమ గోదావరి, కృష్ణా జిల్లాల నుంచి కార్యకర్తలు, నేతలు హాజరు కానున్నారు. దాదాపు మూడు జిల్లా నుంచి యాభై నియోజకవర్గాలకు చెందిన కార్యకర్తలు హాజరు కానున్నారు. ఈ సభకు అన్ని ఏర్పాట్లు పూర్తయ్యాయి. సాయంత్రం నాలుగు గంటలకు ముఖ్యమంత్రి జగన్ బహిరంగ సభలో ప్రసంగించనున్నారు. ఎమ్మెల్యేలను మార్చిన చోట ఇన్‌ఛార్జులే పార్టీ కార్యకర్తలను సభకు తీసుకు వచ్చే బాధ్యతలను పార్టీ ఇప్పటికే అప్పగించింది. ముఖ్యమంత్రి జగన్ ఏలూరు జిల్లా దెందులూరుకు వస్తుండటంతో పోలీసులు భారీ బందోబస్తు ఏర్పాటు చేస్తున్నారు. ఎన్నికల షెడ్యూల్ విడుదలయ్యే లోపు నాలుగు ప్రాంతాల్లో సిద్ధం సభలను నిర్వహించాలని పార్టీ నిర్ణయించింది.