నేనూ కార్మికుడిలో ఒకడినే : మంత్రి వాసంశెట్టి సుభాష్

ఈ సందర్భంగా మంత్రి వాసంశెట్టి సుభాష్ మాట్లాడుతూ వైసీపీ పాలనలో కార్మిక చట్టాలను తుంగలో తొక్కారన్నారు. చట్టాలు అమలు చేస్తూ టీడీపీ ప్రభుత్వం ముందుకు సాగుతుందన్నారు. భవన నిర్మాణ కార్మికులకు వచ్చే ఒక శాతం సెస్సును వైసీపీ పక్కదారి పట్టించిందని ఆయన ఆరోపించారు. కార్మికుల అభ్యున్నతికి తాను కూడా ఒక కార్మికుడిగా పనిచేస్తానని మంత్రి వాసంశెట్టి సుభాష్ తెలిపారు. గత ప్రభుత్వం బాలకార్మిక వ్యవస్థ నిర్మూలనలో విఫలమైందని, టీడీపీ విజయంలో భవన నిర్మాణ కార్మికుల పాత్ర కీలమని మంత్రి వాసంశెట్టి సుభాష్ అన్నారు.