Chandrababu : అమరావతిని నిర్మించి తీరుతాం

అమరావతిని నిర్మించి తీరతామని ముఖ్యమంత్రి చంద్రబాబు నాయుడు తెలిపారు. రాష్ట్రానికి ఒకే రాజధాని ఉండాలన్నది తమ అభిప్రాయమని అన్నారు. సీఆర్డీఏ కార్యాలయం భవనం శంకుస్థాపన కార్యక్రమంలో భాగంగా ఏర్పాటు చేసిన సభలో ఆయన మాట్లాడుతూ సైబరాబాద్ ను నిర్మించిన ఘనత టీడీపీదేనని అన్నారు. తాను ఈ విజన్ తో ఈ అమరావతిని ప్రారంభించానని చెప్పారు. మన సంకల్పం గొప్పదని, అది బలంగా ఉంటే దానిని సాధించడం పెద్ద విషయమేమీ కాదని అన్నారు. అమరావతి కోసం యాభై నాలుగు వేల ఎకరాలను సేకరించామని తెలిపారు. అమరావతితో పాటు ఇతర ప్రాంతాలను కూడా అభివృద్ధి చేస్తామని తెలిపారు.