ఏపీలో బీఆర్ఎస్ కార్యాలయం ప్రారంభం

ఆంధ్రప్రదేశ్ లో తొలి బీఆర్ఎస్ (భారత రాష్ట్ర సమితి పార్టీ) కార్యాలయం ప్రారంభమైంది. గుంటూరులోని ఐదు అంతస్తుల భవనంలో ఏర్పాటు చేసిన పార్టీ కార్యాలయాన్ని ఏపీ చీఫ్ తోట చంద్రశేఖర్ ఆదివారం ప్రారంభించారు. ఈ కార్యక్రమానికి రాష్ట్రంలోని వివిధ జిల్లాలకు చెందిన బీఆర్ఎస్ నేతలు హాజరయ్యారు. 2024 అసెంబ్లీ ఎన్నికల దృష్ట్యా బీఆర్ఎస్ ఏపీలో కార్యకలాపాలను విస్తృతం చేసింది. గుంటూరు ఏర్పాటు చేసిన కార్యాలయంలో మొదటి అంతస్తులో సమావేశ మందిరం, రెండు, మూడు అంతస్తుల్లో పరిపాలనా విభాగాలకు కేటాయించినట్లు తెలుస్తోంది.